Die Binnekring

'n Vier vormige ledetal skep NaRialand se binnekring
wat die liefde, humor en vriendskap in hierdie misterieuse land bring.
Die Khaki Koning is die boerseun aan my koninklike sy
en het sedert die Groot Wind van 2007 sy plek in NaRialand gekry.
Bowen sy plek aan hoof van die rojale kroon
is die Khaki Koning ook die Minister van alles wat die natuur bewoon.
Mr-I'm-a-professional-actor-man durf die lewe dapper aan,
om met sy talente die wereld in verbasing te laat staan.
Hy is 'n jarelange skoolvriend en NaRialand se eie Charlize
en leef sy professionele lewe volgens: "Let me entertain you, please."
Die twee hoofadviseurs van die koninklike hof
word ook hier genoem met die grootste lof.
Die Kommin Juffrou se naam is in teenstryd met haar aard,
want sy is alles behalwe eenvoudig en haar humor is 'n vlymskerp swaard.
Sy is moederlik en haar hart is baie ruim,
Sy is altyd logies en sal nooit in haar plig versuim.
Die Skoolhoof is formidabel, gedrewe en sterk
wat weet hoe drie seunskinders se koppe werk.
Tog is haar hart klein, warm en sag.
Sy is 'n rebel en sy is niks wat enige iemand verwag.
Kwaliteit bo kwantiteit beskryf NaRialand se binnekring
wat beteken dat dit moeilik is om hierdie groep binne te dring.
Tot volgende keer, waar U die kabinet sal ontmoet,
word U nou in die liefde en vrede van NaRialand gegroet.

NaRialand se ontstaan

Word hiermee in die wonderwereld welkom geheet
waar die wensdenkery my van swaarkry en hartseer laat vergeet.
Na jarelange onderdrukking en meul en maal
het NaRialand in 2007 demokratiese status behaal.
Die koninklike familiegeskiedenis is belangrik vir party
om begrip vir die ontsaan van die land te kry.
Spiros the Greek poet het met 'n Gypsy getrou
En dit na nege jaar in die huwelik berou.
Die enigste bate wat van die verbintenis sou kom
was twee dogters, Jiga Hiphop en die uwe, wat deur die jare sou blom.
Spiros het jare later met die Professor in die huwelik getree
en geniet sy nuutgevonde geluk en vrede terdee.
Met die voltooiing van onderrig en opvoeding aan die voet van die berg
het die nuwe fantasieland al hoe meer aandag geverg.
NaRialand het rollende valleie en stygende berge van prag
en is gevul met karakters wat niemand sal verwag.
Die gebeure van NaRialand word met belanghebbendes gedeel
om die die stukkende plekke van die lewe te heel.
Tot volgende keer, waar U van die ander karakters sal ontmoet
word U nou in die liefde en vrede van NaRialand gegroet.